हरिनगर गाउँपालिका सुनसरीले वडा नं.१ मा रहेको स्वास्थ्य चौकीमा आपाङगता तथा पुर्नस्थापना कार्यक्रम अन्र्तगत फिजियोथेरेपी सेन्टर संचालन गरेको छ ।
शारीरिक अपांगता भएका र शारिरिक अस्वस्थ्य भई शारिरिक अभ्यासका लागि फिजियोथेरेपी सेवा संचालन भएको हरिनगर गापामा पहिलो चोटि हो । हरिनगर गा.पा.का अध्यक्ष गफार अन्सारी मियाँले सो फिजियोथेरेपी सेन्टरको उदघाटन गर्नु हुदै आउने दिनमा यस गाउँपालिकाको ७वटै वडामा फिजियोथेरेपी संचालन गर्ने लक्ष्य रहेको पालिका अध्यक्ष गफार अन्सारी मियाँले बताउनु भएको छ । साथै स्वास्थ्य क्षेत्रमा कार्यरत कर्मचारीहरुलाई जनताको सेवामा कुनै कन्जुस्याई नगरि इमान्दारीपूर्वक काम गर्न निर्देशन समेत दिनु भएको छ ।
हरिनगर गाउँपालिका , करुणा फाउन्डेशन नेपालको सहयोगमा फिजियोथेरेपी सेन्टर संचालन भएको हो । यस अघि फिजियोथेरेपी सेवाका लागि हरिनगरबासीहरु बाहिर जानु पर्ने अवस्था थियो भने अबका दिन फिजियोथेरेपी सेन्टर सन्चालनमा आए पछि यहाँका जनताहरुले घरमै सेवा प्राप्त गर्ने अवसर पाएका छन् ।
