ताविल अन्सारी
हरिनगर । हरिनगर गाउँपालिका, सुनसरीले समग्र गाउँपालिकाको विकासको गतिविधि सहित सर्वपक्षियमा भएको सुचाँक अत्यावधिक सहित समाजिक परीक्षण कार्य शुरु गरेको छ ।
पहिलो कार्यकाल देखि अहिलेको दोस्रो कार्यकालको पहिलो वर्षमा अहिले सम्म गरेका काम र विकास गतिविधि , समाजिक परिवर्तनमा भएको सुचाँक , महिला तथा युवा ,बालबालिकामा भएको सुधार ,स्रोत विकास केन्द्रहरुमा भएको प्रगति विवरण , कृषि , स्वास्थ्य , शिक्षा , भौतिक पूर्वाधार , सुरक्षा निकाय , सरोकारवाला निकायहरुको प्रगति विवरणहरु सुचाँक गरि प्रतिवेदनको रुपमा सार्वजनिक गरिने भएको छ ।
हरिनगर गाउँपालिकाको आयोजनामा दिगो विकास समाज ,धरान सुनसरीको सहजीकरणमा समाजिक परीक्षण कार्य शुरु भएको हो । दिगो विकास समाजका समाजिक परीक्षण विज्ञहरु डम्बर रोगु र रोशनी मेचेले सो समाजिक परीक्षण कार्यको अभिमुखिकरण कार्यक्रममा सहजीकरण गर्नु भएको थियो । पहिलो सेशनको हरिनगर गाउँपालिकाको अध्यक्ष हाजी गफार अन्सारीको अध्यक्षतामा र दोस्रो सेशनको पालिका उपाध्यक्ष रिमझिम कुमारी भगतको अध्यक्षतामा सम्पन्न सो समाजिक परीक्षण अभिमुखिकरण कार्यक्रममा प्रमुख प्रशासकीय अधिकृत तुलाराज थापा मगर , ७ वटै वडाका वडाध्यक्षहरु , कार्यपालिका सदस्यहरु , वडा सचिवहरु , विषयगत शाखा प्रमुखहरु ,सरोकारवालाहरु लगायत संचारकर्मी समेतको सहभागिता रहेको थियो ।
