सुनसरी । हरिनगर गाउँपालिका,सुनसरीको शिक्षा,युवा तथा खेलकुद शाखाद्धारा आयोजित १३औं राष्ट्रपति शिल्ड तथा अध्यक्ष कप फुटबल प्रतियोगिता अन्तर्गत खेल सम्पन्न भएको छ । हरिनगर गाउँपालिकाका उपाध्यक्ष तथा प्रमुख प्रशासकीय अधिकृत तुलाराज थापा मगरले रेफ्रीलाई फुटबल हस्तान्तर गरेर खेलको शुभारम्भ गर्नु भएको छ ।
पहिलो चरणको खेलमा श्री बालकृष्ण मा.वि. रामनगर भुटाहा तथा श्री हरिनगर मा.वि. हरिनगर बिचको खेलमा श्री हरिनगर मा.वि.ले श्री बालकृष्ण मा.वि.लाई शुन्यको विरुद्ध १ गोल गरेर विजय भएका छन् । अति नै कडा प्रतिस्पर्धाका विच भएको सो फुटबल खेल दर्शकहरुका लागि रोमान्चक बनेका थिए ।
