सुनसरी । भुटाहा मेडिकल हलले हरिनगर गाउँपालिकाबाट हज गर्न जाने हजयात्रीहरुको निःशुल्क स्वास्थ्य परीक्षण गर्नका लागि आव्हान गरेका छन् ।
हज गर्न जाने हजयात्रीहरुको हय यात्राका बेला स्वास्थ्य समस्या नहोस् पवित्र उद्देश्यका साथ भुटाहा मेडिकल हलले हजयात्रीहरुको निःशुल्क स्वास्थ्य परीक्षण गर्न लागि परेको हो । भुटाहा मेडिकल हलका सञ्चालक प्रवेज आलमले ख्याती प्राप्त बरिष्ठ फिजिसियन डा. कौसर अलिद्धारा स्वास्थ्य चेक जाँच गरिने बताउनु भएको छ । यहि जेठ २० गते शनिवारका दिन दिउँसो ३ बजे भुटाहा मेडिकल हल,( भुटाहा मर्दसा जामियातुल इस्लाह अल इस्लामिया)मा हज यात्रीहरुको स्वास्थ्य परीक्षणको व्यवस्था गरेको जनाएको छ । बिरामीलाई खरीद मुल्यमा औषधि उपलब्ध गराइने समेत जानकारी गराएको छ। भुटाहा मेडिकल हलले प्रत्येक वर्ष हज यात्रीहरुको निःशुल्क स्वास्थ्य परीक्षण गरिदै आएको सञ्चालक प्रवेज आलमले बताउनु भयो ।
