हरिनगर । लामो समयदेखि अवरुद्ध जग्गाको कित्ताकाटले रियलस्टेट व्यवसाय प्रभावित भइरहेको छ । जग्गाको वर्गीकरण गरिरहेको सरकारले सोही अनुसार कित्ताकाट गर्ने प्रक्रिया सुरु गरेको छ ।
पालिका स्तरबाटै भएको वर्गीकरणका प्रक्रियाहरू हरिनगर गाउँपालिकाले टुङ्गो लगाई कित्ता काटको लागि मालपोत कार्यालय सुनसरीलाई सिफारिश गरि सकेको छ । हरिनगर गाउँपालिकाका अध्यक्ष हाजी गफार अन्सारीका अनुसार हरिनगर गाउँपालिकाले भुवर्गिकरण गरेर स्थानीय सरकारको राजपत्रमा समेत प्रकाशित गरि सोको प्रतिलिपि र कित्ता काटको लागि सिफारिश पत्र मालपोत कार्यालयलाई बुझाए पछि कित्ता काट शुरु भएको छ ।
