हरिनगर गाउँपालिका सुनसरीले अपांगता भएका व्यक्तिहरुलाई सहयोगी सामग्री वितरण गरेको छ । वर्षेनी वितरण गरिदै आएकोमा यस वर्ष पनि अपांगता भएका व्यक्तिहरुलाई सहयोग सामग्री वितरण गरेको हो । हरिनगर गाउँपालिकाका अध्यक्ष हाजी गफार अन्सारीले एक कार्यक्रममा अपांगता भएका व्यक्तिहरुलाई हस्तान्तरण गर्नु भएको छ । वहाँले अपांग र सपांगमा कुनै भेदभाव नगरि समान अवसर र समान व्यवहार गर्नमा हरिनगर पालिका हमेशा कटिबद्ध रहेको बताउनु भयो । अपाँगता भएका व्यक्तिहरुलाई चाँड पर्व , विपद परेका बेला विशेष सहयोग गरिने समेत प्रतिबद्धता जाहेर गर्नु भएको छ । सो सहयोगी सामग्रीहरुमा व्हील चेयर ,कान नसुन्नेहरुका लागि हेड एयर फोन , आँखा नदेख्नेहरुका लागि स्टिक छडी तथा तीन पाँग्रे साइकल समेत वितरण गरिएको स्वास्थ्य शाखाका प्रमुख प्रकाश थापा मगरले जानकारी दिनु भयो । सो अवसरमा उपाध्यक्ष रिमझिम भगत , प्रमुख प्रशासकीय अधिकृत तुलाराज थापा मगर , वडाध्यक्ष देवनारायण मेहता , प्रविण प्रसाद गुप्ता लगायत सरोकारवालाहरुको उपस्थिति रहेको थियो ।
Abhimanyu jatav