सुनसरी । हरिनगर गाउँपालिकाका प्राथमिक स्वास्थ्य केन्द्र देखि ६ वटै स्वास्थ्य केन्द्रहरुमा अति आवश्यक औषधीको अभाव भएको छ ।
हरिनगर गाउँपालिकाका अध्यक्ष हाजी गफार अन्सारी धार्मिक भ्रमणको क्रममा साउदी अरबको मक्कामा भएको बेला स्वास्थ्य शाखाको लापरवाहीका कारण अति आवश्यक औषधीको अभाव भएको हो । हरिनगर प्राथमिक स्वास्थ्य केन्द्रका प्रमुख डा. रिजवान अन्सारीले अहिलेको मौसम परिवर्तनका बेला जनता बढि संक्रमण हुने बेलामा खास गरि झाडा पखाला, कमजोरी , रुघाखोकी , ज्वरो , ग्याँसको समस्या बढि हुने गरेकाले यस्तो बेला अति आवश्यक औषधी जीवन जल , सिटामोल , ग्याँसका औषधी , एर्लजीका औषधीको सकिएको र पटक पटक स्वास्थ्य शाखासँग माँग गर्दा आज भोली भनेर टार्ने गरेकाले समस्या उत्पन्न भएको जानकारी दिनु भयो ।
स्वास्थ्य शाखाको लापरवाहीका कारण समयमा औषधी खरीद प्रकृया नबढाएकाले समस्या उत्पन्न भएको हुन सक्ने स्वास्थ्यकर्मीहरु बताउँछन् । यसै गरि महिला स्वयमसेवकहरुलाई गाउँघरमा तत्काल उपलब्ध गराउनका लागि पनि दिइने औषधीहरु अभाव भएका स्थानीयबासिन्दाहरु बताउँछन् ।
