सुनसरी । कोशी गाउँपालिका सुनसरीले बेरोजगार युवाहरुले लोकसेवाबाट रोजगार पाउन सकोस् त्यसका लागि लोकसेवा कक्षा तयारी सम्पन्न गरेको छ ।
युवा लक्षित कार्यक्रम अन्तरगत सामजिक जीवन केन्द्र नेपाल सुनसरीको सहकार्यमा भएको ३० दिने अर्थात एक महिने लोक सेवा आयोगको खरिदार र नावय सुब्बा तयारी कक्षा एक औपचारीक कार्यक्रमका बिच सम्पन्न हो ।
कोशी गाँउपालिकाले गाउँ तथा वडाका युवाहरुका लागि निःशुल्क लोकसेवा तयारी कक्षा दिएको हो । आयोगद्धारा लिइने नायव सुब्बा र खरिदार पदको परीक्षा दिन चाहने गाउँका बेरोजगार युवा युवतीहरुका लागि तयारी कक्षा गराएको हो । गाउँपालिकाका ४० जनालाई नायव सुब्बा र खरिदार पदको परीक्षा दिने उम्मेदवारहरुलाई सहभागीता गराएर तालिम दिएका थिए।
कोशीका उपाध्यक्ष अनितादेवी यादवले गाउँपालिकाले गाउँका युवायुवतीहरुलाई लक्षित गरी जिल्लामै पहिलो पटक आफूहरुको पहलमा नायव सुब्बा र खरिदार पदको तयारी कक्षा सन्चालन गराउन पाउँदा निकै खुशी लागेको बताउनुभयो । गाउँपालिकाका धेरै युवायुवतीहरुले नायव सुब्बा र खरिदार पदमा नाम निकाल्न सकुन र गाउँपालिकाको शिर माथि उठोस भनेर आफुहरु र विषेश गरेर अध्यक्ष ऐयुव अंसारीले पहिलेदेखि देखेको सपना पुरा हुनेमा यो तयारी कक्षाले निकै महत्वपूर्ण भुमिका खेल्ने उहाँले बताउनुभयो ।
