भोक्राहा नरसिंह गाउँपालिका सुनसरीद्धारा सुधारिएको चुलो वितरण
इनरुवा । भोक्राहा नरसिंह गाउँपालिका सुनसरीले वडा नं. १,२ र ३ का जनताहरुलाई सुधारिएको चुलो वितरण गरेको छ ।
स्वच्छ ऊर्जा प्रवर्द्धन, धुवाँजन्य स्वास्थ्य समस्या न्यूनीकरण तथा दाउराको खपत घटाउने उद्देश्यलेसुधारिएको चुलो वितरण गरिएको हो ।
कार्यक्रममा अध्यक्ष आजादले सुधारिएको चुल्होले परम्परागत चुल्होबाट निस्कने धुवाँ कम गरी महिला, बालबालिका तथा ज्येष्ठ नागरिकको स्वास्थ्य संरक्षणमा महत्वपूर्ण योगदान पुग्ने बताए। उनले गाउँपालिकाले वातावरण संरक्षणसँगै नागरिकको जीवनस्तर सुधार गर्ने कार्यक्रमलाई आगामी दिनमा पनि निरन्तरता दिने प्रतिबद्धता व्यक्त गरे।
गाउँपालिका अध्यक्ष अजमल अख्तर आजाद, उपाध्यक्ष सुनिता कुमारी उराँव तथा प्रमुख प्रशासकीय अधिकृत जयप्रसाद गौतमले संयुक्त रूपमा लाभग्राहीलाई सुधारिएको चुल्हो हस्तान्तरण गरेका हुन्।
