सुनसरी । हरिनगर गाउँपालिका सुनसरीले भू उपयोग बहुवर्षिय योजना तर्जुमा शुरु गरेको छ । हरिनगर गाउँपालिकाले भु वर्गिकरण गरि सके पछि अब भु उपयोग बहुवर्षिय योजना तर्जुमा गर्न लागिएको हो ।
हरिनगर गाउँपालिकाका किसानहरुका माटो परीक्षण देखि रसायनिक मलको अधिकत्तम प्रयोगले माटो बिग्रेका कारण स्वस्थ्य माटो बनाउनका लागि अपनाइने बैज्ञानिक विधिहरु , बाँझो जग्गाहरुमा वृक्षारोपण , विद्युतिय प्रणालीबाट सिँचाईको व्यवस्था , फलफुल बागवानी लगाउने देखि सार्वजनिक जग्गाको पहिचान र सदुपयोग , विपत्तमा पर्ने वस्तीहरुका पहिचान गरि पुर्नस्थापना , आधुनिक तथा जैविक खेती परिचालन , कृषि पशु , उद्योगहरु , कलकारखानाहरु , धार्मिक , पर्यटक स्थलहरुको जर्गेना लगायतका विविध पक्षहरुमा अध्ययन गरि भू उपयोग निति तथा कार्यक्रमहरु समेटेर बहुवर्षिय योजना बनाउन लागिएको पालिकाका प्रमुख प्रशासकीय अधिकृत तुलाराज थापा मगरले बताउनु भएको छ ।
योजना तर्जुमा कार्यक्रम पालिकाका अध्यक्ष गफार अन्सारीको सभापतित्वमा सम्पन्न भएको थियो भने पालिका उपाध्यक्ष रिमझिम भगत , वडाध्यक्षहरु , कार्यपालिका सदस्यहरु , कृषि पशु शाखाका प्रमुख तथा कर्मचारीहरु , कृषक समुहका प्रतिनिधिहरु लगायत सँचारकर्मीहरुको उपस्थिति रहेको थियो ।
