हरिनगर । युवा परिचालन समिति ,हरिनगर गा.पा. १ र २ ले साविक भुटाहा ३ नं. वडा स्तरीय युवा परिचालन समिति गठन गरेको छ ।
भुटाहा युवा परिचालन समितिका संयोजक अकिल अन्सारीको अध्यक्षतामा बसेको युवाहरुको भेलाले ३५ सदस्यीय वडा स्तरीय युवा परिचालन समिति गठन गरेको हो ।
आसन्न प्रतिनिधि सभा र प्रदेश सभाको निर्वाचनमा नेपाली काँग्रेसलाई अत्यधिक बहुमतले विजय गराउनका लागि मतदाता सचेतना , मतपेटिका सुरक्षा , बुथ सुरक्षा , तथा चुनावी एजेण्डा सहित प्रचार प्रसारका लागि साविक रामनगर भुटाहा वडा नं.३ मा अनिश मन्सुरीको संयोजक तथा आरिफ आलमको सह संयोजकमा चयन गरि ३५ सदस्यीय युवा परिचालन समिति गठन गरिएको युवा परिचालन समिति हरिनगर १ र २ का सहसंयोजक जलाल अन्सारीले बताउनु भयो । सो भेलामा नेपाली काँग्रेस, युवा प्रचार नेटवर्कका केन्द्रिय सदस्य ताविल अन्सारी , नेपाली काँग्रेस ,वडा नं.२का सभापति सेराजुद्दिन मियाँ ,युवा परिचालन समिति हरिनगर १ र २ का सदस्यहरु फिरोज सिद्दिकी , अम्सुल अन्सारी , अख्तर शाह , शमशाद अन्सारी , जब्बार अन्सारी ,वडा नं.१का सहसंयोजक साहिद अन्सारी , वडा नं.४का संयोजक फारुक अन्सारी ,लगायतको उपस्थिति रहेको थियो ।
