ताविल अन्सारी
सुनसरी । सुनसरीको सिमावर्ती क्षेत्रमा रहेको हरिनगर गाउँपालिकाको प्रशासनीक भवनको बजेट यथासिघ्र पठाउन पालिका अध्यक्ष हाजी गफार अन्सारीले संघिय सरकारसँग अनुरोध गरेका छन् ।
संघिय सरकारले समयमा रकम नपठाएका कारण पालिकाको काम काज भाडाको कोठा तथा बाहिर बनाइएका अस्थायी भवनमा चलाउनु परि रहेकाले चाँडो भन्दा चाँडो प्रशासनिक भवन निर्माणका लागि बजेट निकासा गरी दिनका लागि संघिय सरकारलाई अनुरोध गरिएको हो ।
संघिय सरकार र केही मात्रामा हरिनगर गाउँपालिकाको साझेदारीमा बन्दै गरेको प्रशासनिक भवनको कुल साढे ८ करोडमा टेण्डर प्रकृयाद्धारा बन्दै गरेको सो प्रशासनिक भवनका लागि हाल सम्म १ करोड मात्र निकासा भई आएको ,निर्माण व्यवसायीले जसरी पनि जोडतोडका साथ निर्माण कार्य गरि रहेको भएता पनि समयमा संघिय सरकारबाट बजेट निकासा नहुँदा ठेकेदारले पनि काम गर्न असमर्थता जनाइ रहेकोले तत्कालै संघिय सरकारले बजेट निकासा गर्नका लागि पालिका अध्यक्ष हाजी अन्सारीले बताउनु भएको छ ।
