सुनसरी । हरिनगर गाउँपालिका सुनसरीले एमबिबिएस प्रवेश परीक्षा २०७९मा नेपाल भरि चौथो र महिला तर्फ प्रथम स्थानमा नाम निकाल्न सफल भएकी हरिनगरकी आदिति जैनलाई भव्यताका साथ सम्मान गरेको छ ।
वहाँकी बुबा अजय जैन र आमालाई पनि सम्मान गरेको छ । उच्च शिक्षामा हौसल्ला प्रदान होस् भनि नगद रु. पचिस हजार नगद सहित दोसल्ला ओढाई सम्मान पत्रका साथ अबिर माला लगाएर सम्मान गरिएको हो । सो अवसरमा हरिनगर गाउँपालिकाका अध्यक्ष हाजी गफार अन्सारीले नेपाल भरि नै हरिनगर गाउँपालिकाको मान प्रतिष्ठा बढाउन सफल आथिति जैनले मेडिकल कोर्स पुरा गरि हरिनगरबासीहरुको सेवामा समर्पित हुने विश्वास व्यक्त गर्नु हुदै उनको पढाइमा हरिनगर गाउँपालिकाले भरपुर सहयोग गर्न तत्पर रहेको जानकारी समेत दिनु भएको थियो । हरिनगर गाउँपालिका र हरिनगरबासीहरुको नाम नेपाल भरि उच्च राख्न सफल भएकी आथिति जैनलाई धन्यवाद दिदै हामी हरिनगरबासी गौरवान्वित भएको बताउनु भयो ।
सो अवसरमा पालिका उपाध्यक्ष रिमझिम भगत, सुनसरीका सहायक प्रमुख जिल्ला अधिकारी माधव प्रसाद ढुङगाना र जिल्ला प्रहरी कार्यालय सुनसरीका प्रमुख प्रहरी उपरीक्षक प्रभु प्रसाद ढकाल ,पालिकाका प्रमुख प्रशासकीय अधिकृत तुलाराज थापा मगर समेतको समुपस्थिति रहेको थियो ।
