सुनसरी । हरिनगर गाउँपालिका सुनसरीको प्रशासनीक भवनको शिलन्यास भएको छ ।
सुनसरी क्षेत्र नं.४ का संघिय साँसद तथा निवर्तमान संचार तथा सूचना प्रविधि मन्त्रि माननीय ज्ञानेन्द्र बहादुर कार्कीले सो प्रशासनीक भवनको हिन्दु तथा इस्लामिक विधिअनुसार शिलन्यास गर्नु भएको हो । सो गाउँपालिकाको भवन आठ करोड १९ लाख २८ हजार तीन सय दुई रुपैंया ५९ पैसाको लागतमा ड्रागन रविन एण्ड श्रेया जेभी कोटेश्वरले निर्माणको ठेक्का पाएको छ । सो कार्यालय भवन आगामी ३० महिनामा सम्पन्न गरिने भएको छ ।
भवनको शिलान्यास गर्दै नेपाली कांग्रेसका केन्द्रीय सदस्य ज्ञानेन्द्र बहादुर कार्कीले समय अगावै उक्त भवनको निर्माण कार्य सकिनेमा आफू ढुक्क रहेको बताउनु भयो । हरिनगरमा आफूले धेरै विकासका योजना ल्याएको तथा कतिपय कार्यान्वयनको चरणमै रहेको बहाँले बताउनु भयो । कार्कीले नागरिकका हरेक समस्यामा केन्द्रित रहेर आगामी ५ वर्षको कार्यकाल पूरा गर्ने प्रतिबद्धता समेत जनाएका छन् ।
सो अवसरमा गाउँपालिका अध्यक्ष गफार अन्सारीको सभापतित्वमा सम्पन्न शिलन्यास कार्यक्रममा प्रमुख अतिथि संघिय साँसद ज्ञानेन्द्र बहादुर कार्की , विशिष्ट अतिथि सुनसरी क्षेत्र नं.४ क र ख का प्रदेश साँसद माननीय सदानन्द मण्डल, इसराईल मन्सुरी , नेपाली काँग्रेसका केन्द्रिय सदस्य राजीव कोइराला, जिल्ला समन्वय समिति महासंघका राष्ट्रिय अध्यक्ष राजन मेहता, सुनसरी जिल्लाका प्रमुख जिल्ला अधिकारी हुमकला पाण्डे , प्रहरी उपरीक्षक प्रभु ढकाल, नेकपा समाजवादीका केन्द्रिय सदस्य महफुज आलम अन्सारी , हरिनगर गा.पा.का प्रशासकीय अधिकृत तुलाराज थापा मगर ,भवनका लागि चन्दा दाता तुलाराम सेठिया ,तुलसी लोहनी समेतका उपस्थिति रहेको थियो । कुल ८ करोडमा बन्ने सो प्रशासनीक भवन अति नै सुविधायुक्त भवन बन्ने प्रावधिक शाखाका ई. मुकेश राउतले जानकारी गराउनु भएको थियो ।
