हाम्रो जिम्मेवारी नेपाली काँग्रेसका लागि अभियान मुल नाराका साथ
भुटाहा ४ नं. वडा स्तरीय युवा परिचान समिति गठन
हरिनगर । युवा परिचालन समिति ,हरिनगर गा।पा। १ र २ ले साविक भुटाहा ४ नं. वडा स्तरीय युवा परिचालन समिति गठन गरेको छ ।
भुटाहा युवा परिचालन समितिका संयोजक अकिल अन्सारीको अध्यक्षतामा बसेको युवाहरुको भेलाले २५ सदस्यीय वडा स्तरीय युवा परिचालन समिति गठन गरेको हो ।
आसन्न प्रतिनिधि सभा र प्रदेश सभाको निर्वाचनमा नेपाली काँग्रेसलाई अत्यधिक बहुमतले विजय गराउनका लागि मतदाता सचेतना , मतपेटिका सुरक्षा , बुथ सुरक्षा , तथा चुनावी एजेण्डा सहित प्रचार प्रसारका लागि साविक रामनगर भुटाहा वडा नं.४ मा फारुक अन्सारीको संयोजक तथा रियाज आलम सिद्दिकीको सह संयोजकमा चयन गरि २५ सदस्यीय युवा परिचालन समिति गठन गरिएको युवा परिचालन समिति हरिनगर १ र २ का सहसंयोजक जलाल अन्सारीले बताउनु भयो । सो भेलामा नेपाली काँग्रेस, युवा प्रचार नेटवर्कका केन्द्रिय सदस्य ताविल अन्सारी , युवा परिचालन समिति हरिनगर १ र २ का सदस्यहरु फिरोज सिद्दिकी , अख्तर शाह , शमशाद अन्सारी , जब्बार अन्सारी लगायतको उपस्थिति रहेको थियो ।सो अवसरमा युवाहरुलाई सम्बोधन गर्दै अतिथि नेपाली काँग्रेस ,युवा प्रचार नेटवर्कका केन्द्रिय सदस्य ताविल अन्सारीले प्रजातन्त्रका लागि यसै भुटाहाबाट स्व. विपी बाबुको साथमा लडाई लड्दै आफनो धनमाल समेत तत्कालिन पंचायति शासकले अधिग्रहण गर्दा पनि विचलित नभई अडिग रहेका स्व. सुलेमान मियाँ , इद्रिस सिद्दिकी जस्ता योद्दाहरुको स्मरण गर्दै लामो लडाई पश्चात प्राप्त लोकतन्त्र ,गणतन्त्र , संघियतालाई रक्षा गर्नका लागि बाम लोकतान्त्रिक गठबन्धनलाई आसन्न निर्वाचनमा बहुमत पुरयाउन युवाहरु जोश जाँगरका साथ एक जुट भएर लाग्नु पर्ने बेला आएको बताउनु भएको थियो । यसै गरि युवा परिचालन समिति हरिनगरका सदस्य समेत रहेका अकिल अन्सारीले नेपाली काँग्रेसको एतिहासिक ठाउँ रामनगर भुटाहामा काँग्रेसी पहिचान , आफनो पहिचान र अधिकार सुनिश्चित राख्नका लागि लोकतन्त्र र संविधानको रक्षाका लागि युवाहरुको काँधमा अहम जिम्मेवारी रहेको बताउनु भएको थियो ।
