सुनसरी । हरिनगर गाउँपालिका सुनसरीले पालिका अन्र्तगत रहेका हुलाकी राजमार्ग र सहायक मार्गहरुको पक्कि सडकमा किसानहरुले अन्नबाली सुकाउन रोक लगाउने भएको छ ।
खासगरी सडकको दुवै पट्टि सडक नै अवरोध हुने गरी मक्कै सुकाउने कार्यले सडकमा गुडने सवारी साधनहरु चिप्लेर दुर्घटना हुने भएकाले र यसबाट मानविय क्षति समेत विगतका दिनमा थुप्रै ठाउँमा भएकाले यस कार्यलाई रोक्ने निर्णय गरेको हो ।
हरिनगर गाउँपालिकाका अध्यक्ष हाजी गफार अन्सारीले हरिनगरबासीहरुलाई माइकिंग गरेर जानकारी गराउने , अटेर गरेर अन्नबाली सुकाउनेको अन्नवाली जफत गरिनका लागि स्थानीय प्रशासनलाई निर्देशन दिनु भएको छ । हरिनगर नगर गाउँपालिकामा ट्राफिक पोष्ट समेत स्थापना भई सकेकाले ट्राफिक मार्फत जनचेतना फैलाउने तथा हुलाकी सडकमा दुर्घटना जोखिम उच्च रहेकाले त्यस तर्फ तुरुन्त निगरानी बढाउन पालिका अध्यक्ष अन्सारीले ट्राफिक जनशक्तिलाई निर्देशन समेत दिनु भएको छ ।
