सुनसरी । हरिनगर गाउँपालिका सुनसरीले निःशुल्क स्वास्थ्य,ल्याबसेवा तथा निःशुल्क औषधि वितरण शिविर सम्पन्न गरेको छ ।
करुणा फाउन्डेशन ,नेपाल, मेडप नेपाल र सेभ द अर्थको सहयोगमा हरिनगर गाउँपालिका सुनसरीले सो निःशुल्क स्वास्थ्य, ल्याबसेवा तथा निःशुल्क औषधि वितरण शिविरको आयोजना गरेको हो ।
डा. इमरान अन्सारी (युरोलोजिस्ट ) , डा. कासल अलि ,(चिनी रोग तथा मुटु रोग विशेषज्ञ) डा. स्वेता आर्याल (छाला तथा यौन रोग विशेषज्ञ) , डा. रमेश श्रेष्ठ(वरिष्ठ स्त्रीरोग विशेषज्ञ) ,डा. रिजवान अन्सारी ,डा. असदुल्लाह अन्सारी तथा बरिष्ठ ल्याव टेक्निसियन उदय चन्द लगायतका स्वास्थ्य चिकित्सक टोलीले सेवा प्रदान गर्नु भएको हरिनगर गा.पा.का स्वास्थ्य शाखा प्रमुख प्रकाश थापामगरले बताउनु भयो । हरिनगर वडा नं.१ र २ का जनताहरु लाभान्वीत भएका छन् । साथै महिलाहरुको पाठेघरको क्यान्सर पत्ता लगाउने स्क्रिीनिंग समेत गरिएको बताइएको छ ।
सो अवसरमा श्रीबाल कृष्ण मा.वि.का प्रधानाध्यापक नजाम अन्सारी , भु.पु. प्रधानाध्यापक नरेश प्रसाद गुप्ता , कार्यपालिका सदस्य शुसिल कुमार ठाकुर , समाजसेवी नइम अन्सारी , सुरक्षा निकायका प्रमुखहरु लगायत महानुभावहरुको उपस्थिति रहेको थियो ।
