काठमाडौं । नक्कली भुटानी शरणार्थी प्रकरणमा निक्कै ठूलो भूइचालो आउने लगभग निश्चित छ । जनबोलीको न्यूज टीमलाई सम्पर्क गर्दै पीडित भनिएकाहरुले ठूला दलका शीर्ष नेता र अध्यक्ष तहकै नेतृत्वको घर–घरमा बोरामा हालेर पैसा पुर्याएको दावी गरेका छन् ।
पीडितहरुको पक्षमा देखिएका अधिवक्ता स्वागत नेपालको सम्पर्क सुत्र खोजेका उनीहरुले केही गोप्य कुरा हामीमा प्रस्तुत गरे । यथेष्ट प्रमाण भने न्यायीक प्रक्रियामा असर नपर्नेगरी केही समयपछि दिने उनीहरुको दावी छ । पक्राउ परेका सन्देश शर्मा भन्नेले रेग्मी थरका व्यक्तिलाई करोडौंको चेक दिएका छन् ।
उनको परिवारभित्र कै केही जनालाई नक्कली शरणार्थी बनाइर अमेरिका पठाउने भनेर पैसा सन्देशको समूहले बुझेको थियो । पठाउन नसकेपछि रकम फिर्ताको रुपमा सन्देशको समूहले रेग्मीलाई करोडौंको चेक दिएका छन् । थुनामा जानुभन्दा अघि सन्देशले ठूलो दलका अध्यक्षहरुकै घर–घरमा रकम दिएकाले त्यहाँबाट नै फिर्ता आएपछि दिने भन्दै रेग्मीलाई चेक बाउन्स गर्न रोकिरहेका थिए ।
केहीको घरमा ९ करोड त केहीकोमा ६ करोड रुपैयाँ बोरामा हालेर बुझाएको प्रमाण रहेको र त्यो रकम लिएपछि तिमीलाई दिन्छु भनेर रेग्मीलाई बारम्बार भन्ने गरेका अडियोहरु यी व्यक्तिहरुसँग सुरक्षित छन् । चितवनमा बायोमेट्रिक्स गरेको त्यहाँ नक्कली शरणार्थी बनेर अमेरिका जान चाहानेहरुबाट प्रति व्यक्ति १० लाखका दरले रकम संकलन गरेको त्यो समूहले खुलाएको छ ।
उक्त रकम पार्टीका शीर्ष नेता, कर्मचारीका
उपल्लो तहका व्यक्तिका घर–घरमा गाडिभित्र बोरामा राखेर चालकले पुर्याएको
उनीहरुको दावी छ । उठेको धेरै रकम भने यो योजनाका नाइकेहरुले राखेको
उनीहरुले बताएका छन् । केही दिन न्यायीक प्रक्रियाको बाटो हेर्ने अन्यथा
पत्रकार सम्मेलन नै गरेर प्रमाण बाहिर ल्याउने उनीहरुको दावी छ ।समाचार स्रोत ः जनबोली डटकम
