राष्ट्रिय समाचार २४ कार्तिक २०८०

हरिनगर गाउँपालिका सुनसरीद्धारा वार्षिक समिक्षा सम्पन्न

हरिनगर । हरिनगर गाउँपालिका सुनसरीले आर्थिक वर्ष २०७९।०८० को वार्षिक समिक्षा गरेको छ । गत वर्ष भएको आय व्यय विवरण सहित कामको प्रगतिबारे समिक्षा गरिएको हो ।

हरिनगर गाउँपालिकाका अध्यक्ष हाजी गफार अन्सारीको सभापतित्वमा सम्पन्न सो कार्यक्रममा अध्यक्ष अन्सारीले नेपाल सरकारबाट प्राप्त अनुदान तथा सर्शत रकम आ.व. २०७६ /०७७ देखि निरन्तर घटदै आइ अहिले आ.व. २०८०।०८१ सम्म आइ पुग्दा आर्थिक अवस्था डमाडोलमा पुगेको बताउनु भयो । कोरोना माहामारीमा परेर आर्थिक मन्दी खेप्दै आएकोमा अहिले आएर भुकम्पको पीडाका कारण ४० प्रतिशत रकम कटौतीको कुरा आई रहेकोले हामीले बनाएको बजेट र काम प्रभावित हुने भएकाले त्यस प्रति चिन्ता व्यक्त गर्नु भएको छ । सो अवसरमा उपाध्यक्ष रिमझिम भगत , वडाध्यक्षहरु क्रमशः प्रविण प्रसाद गुप्ता , अरविन्द कुमार मेहता , देवनारायण मेहता , मोजम्मील खाँ , कार्यपालिका सदस्य शुसिल कुमार ठाकुरले वार्षिक समिक्षामा आ आफना सुझाव राख्नु भएको थियो ।