काठमाडौं । चीनको सबैभन्दा उच्च प्रोफाइल अर्बपति बैंकरहरू मध्ये एक बेपत्ता भएका छन् । यो जानकारी उनको कम्पनीले दिएको हो ।
जानकारी अनुसार चाइना रेनेसान्स होल्डिङ्सका प्रमुख कार्यकारी अधिकृत बाओ फ्यान हालका दिनहरूमा देखिएका छैनन् । बाओ चीनमा ठूलो सम्झौता ब्रोकर हुन्, उनका ग्राहकहरूमा शीर्ष टेक कम्पनीहरू पनि समावेश छन् ।
फर्मको घोषणाले वित्तीय र प्राविधिक दिग्गजहरूमाथि बेइजिङको सम्भावित कारबाहीको बारेमा चिन्ताहरू पुन: उत्पन्न भएको छ । शुक्रबार, लगानी फर्मले आफ्ना शेयरधारकहरूलाई बाओफानलाई सम्पर्क गर्न असमर्थ भएको जानकारी गरायो ।
त्यसपछि कम्पनीको सेयर घटेको बताइएको छ । फर्मले बाओ गायब हुनुका पछाडि समूहको व्यवसाय वा यसको सञ्चालनसँग सम्बन्धित छ कि छैन भन्ने थाहा नभएको बतायो ।
बीबीसीले फर्मलाई थप विवरणहरूको लागि अनुरोध गर्दा चाइना रेनेसाउ होल्डिङ्सले हङकङ स्टक एक्सचेन्जलाई आफ्नो सूचना पठाएको हो ।
बाओ कहिलेदेखि बेपत्ता भएको भन्ने कुरा कम्पनीले बताएको छैन । तर स्रोतलाई उद्धृत गर्दै चिनियाँ बिजनेस न्यूजवायर काइक्सिनले दुई दिनदेखि कर्मचारीहरूले सम्पर्क गर्न नसकेको उल्लेख गरेको छ ।
