जिवन विकास लघु वित्त वित्तिय संस्था लि. हरिनगरले केन्द्र प्रमुख गोष्ठी तथा वित्तिय साक्षरता कार्यक्रम सम्पन्न गरेको छ । सो कार्यक्रमका प्रमुख अतिथि हरिनगर गाउँपालिकाका अध्यक्ष हाजी गफार अन्सारीले पानसमा बत्ति बालेर उदघाटन् गर्नु भयो । सोही अवसरमा जीवन विकासबित्त वित्तिय संस्था लि.ले हरिनगरका अति विपन्न परिवारका ५ जना विद्यार्थीलाई पठन पाठन देखि भरण पोषण समेतको जिम्मा लिई समाजिक दायित्व पुरा गर्दै अगाडी बढेको छ । प्रमुख अतिथि हाजी अन्सारीले छनौटमा परेका विद्यार्थीहरुलाई पाठयपुस्तक तथा ब्याग समेत प्रमाण पत्र हस्तान्तरण गर्नु भयो । प्रमुख अतिथि अन्सारीले अहिले मुलुकमा वित्तिय संस्थाहरु प्रति चुनौति बढेकाले हरिनगर गाउँपालिका भित्रका वित्तिय संस्थाहरुको गतिविधि ,अवस्था बारे नजिकबाट अध्ययन गरिरहेको , राजनितिक परिवर्तन चाहनेहरुले वित्तिय संस्थाहरु प्रति राजनिति गर्दै जनता उचाल्ने काम भई रहेको सबैले यस तर्फ सजग र सचेत हुनु पर्ने बेला आएको बताउनु भएको छ ।
