सुनसरी । आर्थिक अभाव झेली रहेको गाउँपालिकाहरुको अहिलेको अवस्थामा कोशी गाउँपालिका सुनसरीले स्वास्थ्य क्षेत्रलाई पहिलो प्राथमिकतामा राख्दै फेरी स्वास्थ्य केन्द्र भवनको शिलन्यास गरेको छ ।
कोशी गाउँपालिका वडा नं. ४का ग्रामिण जनताका लागि घरमै स्वास्थ्य उपचारको सेवा पाउने पवित्र उद्देश्यका साथ पालिका अध्यक्ष एयुब अन्सारी र प्रदेश साँसद डा. इसराइल मन्सुरीको संयुक्त रुपमा शिलन्यास भएको हो । कोशी गाउँपालिकाका जनताहरु अब स्वास्थ्य उपचार घरमै पाउनका लागि स्वास्थ्य क्षेत्रलाई पहिलो प्राथमिकतामा राखेर सबै वडाहरुमा भरपर्दो र विश्वसनीय स्वास्थ्य उपचार केन्द्रहरु निर्माण गदैै जाने लक्ष्य रहेको पालिका अध्यक्ष ऐयुब अन्सारी बताउनु भयो ।
