इनरुवा । नेपाली कांग्रेस सुनसरीले नेपाली कांग्रेसको विधान २०१७ (संशोधन र परिमार्जित २०७५ ) परिच्छेद ३ को धारा १२ (५) (ख) २ र (७) (ज) ले दिईएको अधिकार बमोजिम क्रमश: मनोनित जिल्ला सदस्य र विभाग प्रमुख वा संयोजक विघटन गरिएको छ ।
नेपाली काँग्रेस सुनसरीका सभापति केदार भण्डारीद्धारा हस्ताक्षरित पत्रमामा जनाए अनुसार सभापति भण्डारीले मनोनित साथीहरुले नेपाली काँग्रेसको आदर्श,सिद्धान्त ,मुल्य, मान्यता तथा विधान ,निति र निर्णयको अधिनमा रही आफनो कार्य कुशलतापूर्वक सम्पादन गरिएको भन्दै सबैलाई धन्यवाद समेत ज्ञापन गरेको छ ।
नेपाली काँग्रेस सुनसरीले चुनावको मुखमा मनपरि ढंगले सिनियर जुनियर समेतको पदीय ख्याल नगरि जथाभावी ढंगबाट जिल्ला सदस्यमा मनोनित गर्दा चौतर्फी विरोध भएको थियो । नेपाली काँग्रेसका केन्द्रिय महाधिवेशन प्रतिनिधि तथा चर्चित नेता गफार अन्सारीले जिल्ला सदस्यबाट राजीनामा नै दिनु भएको थियो । अहिले आएर जिल्ला सभापति भण्डारीले सुनसरीमा सुनसरी क्षेत्र नं.२ र ३ मा नेपाली काँग्रेसको हारको नैतिक जिम्मेवारी लिनुका सट्टा झन मनोनित सदस्य तथा विभाग प्रमुखहरुलाई विघटन गरेर झन विवादमा फसेको जानकारहरु बताउँछन् ।
