बिराटनगर १४ स्थित एस्पायर कलेजमा नवबर्ष २०८० सालको अवसरमा शुभकामना आदानप्रदान कार्यक्रम सम्पन्न भएको छ ।
कलेजको सभाहलमा सम्पन्न कार्यक्रममा बिद्यार्थीले आफ्नो प्रतिभा समेत प्रस्तुत गरेका थिए । सुगन्ध रेग्मी लगायतको ब्यान्डले उत्कृष्ट गायन प्रस्तुत गरेको थियो ।
कार्यक्रममा अर्बिन्द नायकले विभिन्न गितहरुलाई सुसेली का माध्यम बाट गित प्रस्तुत गरेर सुनाएका थिए । त्यस्तै सन्तोष नेम्वाङले कविता बाचन गरेका थिए ।त्यस्तै अस्मित खवास , विभिन्न पौडेल र आशिष् तिवारीको टिम द्वारा गायन प्रस्तुत गरिएको थियो । गौरब दाहालको कविताले माहोललाई मन्त्र मुग्ध पारेको थियो । स्वेता हास्दाको सास्कृतिक नृत्यले क्याम्पस परिवार रमाएको थियो ।
लिजा खतिवडा , सीता ढकाल , मिरा परियार ,शितल तामाङको समुहले सास्कृतिक नृत्य तामाङ सेलो प्रस्तुतिले कार्यक्रममा रौनकता थपेको थियो भने कार्यक्रमको संचालन सुलभ निरौला र रेबिसा राणाले गरेका थिए भने कार्यक्रमको म्यानेजरका रुपमा प्रनिशा पौडेल लगायत टिमले कार्यक्रम सम्पन्न गराउन भुमिका खेलेको थियो ।
कार्यक्रममा शुभकामना राख्दै कलेजका ब्याचलर इन टेक्निकल एजुकेशन (आइ टि ) तर्फका को -अर्डिनेटर खेमनाथ खतिवडाले सुन्दर भबिस्यका लागि सुनिश्चित योजना बनाइ अघि बढ्न नयाँ बर्षले प्रेरणा दिने बिश्वास व्यक्त गर्नु भयो ।
त्यस्तै होटल म्यानेजमेन्टका कोअर्डिनेटर शुभम भट्टराईले नयाँ बर्षले नया उमंगका साथ कार्य गर्न सघाउ पुर्याओस भन्ने शुभकामना ब्यक्त गर्नु भयो ।
त्यस्तै कलेजका प्रमुख चिन्तामणि बस्नेतले बिद्यार्थीहरुले आफ्ना मौलिक चाडहरुलाई जगेर्ना गर्न आफै अघि बढ्न यस किसिमका कार्यक्रम गर्दा सघाउ पुर्याउने र बिद्यार्थीले आयोजना गरेको कार्यक्रम उत्कृष्ट रहेको बताउदै सकारात्मक सोच र उर्जाले नयाँ बर्ष मा नयाँ योजनाका साथ अघि बढ्नेमा प्रतिबद्ध रह्दै बिद्यार्थी, शिक्षक ,अभिभावक बोर्ड अफ डाइरेक्टर लगायत सबै लाई शुभकामना ब्यक्त गर्नु भयो ।,
