काठमाडौं । नागरिकता विवादमा शुक्रबार सर्वोच्च अदालतको संवैधानिक इजलासले चितवनको क्षेत्र नम्बर २ बाट प्रतिनिधि सभामा निर्वाचित भएका रवि लामिछानेको पद खारेज भएको छ ।
सर्वोच्च अदालतको फैसलाले उनको पार्टी सभापति, उपप्रधान तथा गृहमन्त्री पद पनि खारेज भएको छ ।
योसँगै अब चितवन क्षेत्र नम्बर २ मा उपनिर्वाचन हुने भएको छ । यसको घोषणा निर्वाचन आयोगले गर्नेछ । अदालतको फैसला आएसँगै आफूहरुले त्यहाँ उपनिर्वाचन गर्ने निर्वाचन आयोगका प्रवक्ता शालिग्राम शर्मा पौडेलले बताएका छन् ।
उनले अदालतको फैसला आएपछि यस विषयमा थप निर्णय लिने बताएका थिए ।
४ मंसिरमा भएको निर्वाचनमा लामिछानेले चितवन क्षेत्र नम्बर २ बाट प्रतिनिधि सभामा जित निकालेका थिए । उनी नेकपा माओवादी केन्द्रका अध्यक्ष पुष्पकमल दाहाल प्रचण्डको नेतृत्वको सरकारमा १० पुसमा उपप्रधानसहित गृहमन्त्री बनेका थिए ।
